السلام عليكم و رحمتهُ تعالى و بركاته
طابت أوقاتكم ،،
مع اني لسا مروحة من المستشفى و بعد متخرق دمي على أخر قطرة ، مش رح أعرف نام قبل ما افضفض !
ولانو ما في حد بهيك ساعة ماخرة احكي معو و فش غلي
ما لقيت إلا اني افتح صفحة و أكتب و أنفض قهري !
تعبت إمي اليوم كتير و ارتفع عندها الضغط بشكل مو طبيعي لدرجة أنو جسمها كل اتسنج و فمها اتزاح مكانو
اخدناها للمستشفى و طبعا بما انو نحنا بجنوب الخليل مسافة الطريق اضربها بخمس اضعافها لانو الطرق كلها التفافية بفضل المحتل !
و خلصت الطريق الجبلية الطويلة الي مليانة مطبات و وصلنا المستشفى و هووون حرقت الدم الحقيقية!
ضغطها كان لما خرجنا من البيت 210\150
طبعا بعد عناء و آلف رسالة استدعى و رجا لما تكرم الدكتور و اجى طبعا سال :- شو معها ؟
[ لازم المريض يروح على قسم الطوارء دكتور ! ]
قلتو ضغطها مرتفع و تعبانة يا دكتور ممكن تشوفها
قاسلها الضغط و اكتشف الاخ انو امي معها ضغط تخيلوا !!
قال يا حجة انتي معك ضغط . . ضغطك مرتفع !!
أي لا يا شيخ قول انك عم تمزح
نرفزني بشكل مش طبيعي
قلتلوا من كتر ما عصبني :- يا اخي مهو احنا جبناها منشان ضغطها مرتفع
قعد يفحص فيها افتحي عيونك غمضي عيونك اضغطي على سنانك ارفعي ايدينك ..... الخ
قلي طيب اعطيها حبة من الدوى الي بتاخدوا
نعم !!
بعدين . . ! يا دكتور نسينا الدوا بالبيت ما جبناه معنا !!
طبعا كتبلي على دوى جيبو من الصيدلية الخاجية جبت الدوى و اعطيتها اياه !!
اشوية و صار عندها تهيج بوجها و صار قلبها يدق بشكل مو طبيعي وصارت ترجف
ما اقدرت اتحمل المنظر . . لاول مرة بشعر بحرقة الدموع بعيوني
اتجمعوا دموعي وما قبلت تنزل !!
ارجعت و رحت لعطوفة الدكتور [ الي مو شايف اللضى ]
قلتلوا عن اليعم يصير مع امي
قلي هسا بيجي بشوفها و مرت ربع ساعة و ما اجى
آم روحت قلتلوا يعني متى رح تيجي لما تموت مثلا ؟؟
اطلع فية و قلي يعني هي ماتت !
انا ما اجيت و فحصتها و اعطيتها دوى و ما في شي خطير !!
ضغطها مرتفع و عم ترجف وما في شي خطير !!
و الله شي بيحرق الدم !!
قلتلوا بعد ما نرفزني لــ أخري . . أول مرة بحياتي بشوف دكتور عم يردح ، إنت عمرك اسمعت عن دكتور بيردح لمرضى ؟
طبعا انا كنت سامعيتو عم يحكي انو همه مكتوب عليهم لا يناموا زي البشر و لا يعيدوا ولا شي
و قلتلوا يعني ما حدا غصبكم لا دكتور و لا ممرض لهيك شغلة انتم اخترتوها و حلفتم يمين و عم تاخدوا فلوس كرمال هناس
يعني لا تحلومنا جميلة ؟
ادخل الدكتور التاني و اجى و شاف امي و عملها تخطيط قلب طبعا هوه مو احسن من زميلوا بس هو ادارك الموضوع لما قرء اسم امي !!
و طبعا بعد خمس ساعات و الحمد لله نزل ضغط ماما و صارت احسن رجعنا ع البيت و الحمد لله
الله يشفيها و يحميها و لا يحرمني منها و يجعل يومي قبل يومها يارب
همسة أخيرة ..
» [ إذا عمل أحدكم عملا فليتقنه . . ]
و لعل معظمنا يفتقد لهذه السمة [ الاتقان في العمل ! ]
لهذا لم ولن نتقدم أي خطوة إلى الامام ، إذ لا يمكن لأمة أن تتطور أو تتقدم إلا إذا سادت في أجوائها قيمة الإتقان في العمل و من دون هذه القيمة لا يمكن أن تتقدم !!
.. اللهم ردنا الى الاسلام ردا ً جميلا ..
» إدعوا لوالدتي بالشفاء
ثرثرة / هلوسة / فضفضة .. تحملوها و تحملوني
.jfif)
.jpg)
