يا وطن كااان وكااااان
صوت الفجر يجلي العتمه بصوت الاذان
و ريحة الطابون مع الليمون و صباح الخير من ثم " إمي "
و أهازيج و أغاني و زقزقة العصافير معبية البساتين
اعتابا و ميجنا
و حنجرة فلاح تصدح عزة
و مجد نبت مع كل غرس
و كوفية بيضا تلفح زريف الطول
ما خطرله ابد انها بيوم رح تصير له كفن
لما عشق تراب
" وطن "
صغر و صغر و ما بقيله منه ولا حتى قبر !
إيـــــه يا وطن لبس الوسواس شال
و تصدر للعالم " صورة عن ذبيحة قابيل "
في زمن الكذب و التبجيل
اجى الوقت يا هم جوى الصدر مكنون
لاكتب فيك " مرثية "
و انا الي كنت فيك اكتب شعر
اسهر ليلي و ليل الاسى طول
و النوم عيّـا و الحلم صار خطية !
من غير جديد و لا شي بالايد
ما في غير اصبر حالي ويّـا غير .. " بتهووون "
لما القلوب في حبك رقصت مذبوحة
تكتبلك بالدم وفــــا
و الرصاص في سماك صار نشيد الصبح و المسى
و صغارك شايله ع كفوفها علم
تهتف " بالروح نفديك يا وطن "
و بقصد او من غير
ضعت منهم ع الخارطه
و وقعت صفحة من كتاب التاريخ و تاهت !
طلع علينا أبطال " النصر المهزوم "
في زمن التهليل
قال شو
" وانت تخوض حروبك . . فكر بغيرك من يطلبون السلام *"
أأأأأأأأأأخ يا وطن بدل اقلام الطلاب بالدف و الطبل
ايش بلاك ؟؟
عم بدور ع " ابو بكر " في زمن " مسيلمة الكذاب " .. !
و تتلفت فكرك تلفى " الناصر " أو " الفاروق "
سيبك من الماضي .. " قطز " مات
و الباقي منه مزيوف
و من قلة النخوة في زمانك طري نصل السيف
و الراية الي كانت و كانت صارت بالاراضي .. مهزومة !
ما بعرف شو الي جراى لولادك يا وطن
ضعفت شوكتهم و ما عاد عليهم مرتكن !
شتت شملهم ثعلب الاحزاب
و عادي هدفه " فرق تسد "
علم الاسد " غفلة الضبي "
و شعب حطين باع القضية و اشترى الطرب
غزة تولع و تشتعل نار و سوريا تنحرق بكاز
ولا دمعة فرفور حلمه " لقب " محبوب العرب !
.jfif)
.jpg)
