✿ - فلسطين وطنا . .

اطلعنا . . . يوم و يومين و راجعين قُلنا
و مضى 63 عام من عُمرنا
شربنا من المر كاس و لا رجعنا 
ياريتنا ما هجرنا مطارحنا
و تركنا الموت يلاحقنا
في بلادنا مسكنا و مدفنا 
ولا في بلاد الله لاجئين صِرّنا 
نملك سقف و حيطان 
و الأرض لصحابها مش إلنا
من سهل بيسان  
لحدود النقب صرخة محاضنا
فلسطين وطنا 
رجال الكرامة لما عصفور العز 
إعتابا و ميجنا غنا

فلسطين وطنا

من بحرها لنهرها كلها إلنا
مهدها منا و أقصاها أملنا 

فداها كلنا 

ولادنا و أهلنا و حنّا
لو فيها أو براها كُنّا
نهدر الدم لأجل ترابها حنة 
و ما نسمح للمعتدي يمس عرضنا
لو كل الأرض عادتنا 
قدرة الله تساندنا
فلسطين وطنا ولازم في يوم ترجعلنا
فلسطين وطنا ولازم في يوم ترجعلنا

فلسطين وطنا ولازم في يوم ترجعلنا

فلسطين وطنا ولازم في يوم ترجعلنا  

Posted in: الهولوكوست الفلسطيني,حملة نوفمبر لتدوين 11/11/2011,خاطرة,همسة عابرة